Sagardopote Eguna apirilaren 10ean ospatuko da Lasarte-Orian, eta bederatzi establezimenduk eta zazpi sagardo-markak hartuko dute parte. Aurkezpenean, non izan baitira Nuria Fernandez, sozioekonomiako zinegotzia, Yolanda Palomares, Buenetxea kafe-tabernakoa, eta parte hartzen duten establezimenduetako hainbat ordezkari, lasarteoriatarrak gure lurraldeko sagardoa dastatzeko etortzera animatu dituzte, "Lasarte-Orian bizitzearen eta Lasarte-Orian erostearen" garrantzia azpimarratuz.

Apirilaren 10ean, asteazkenarekin, 19:00etatik 21:00etara bitartean, establezimendu parte-hartzaileetan baso bat sagardo dastatu ahalko da, pintxo batekin lagunduta, 1’50 euroan. Puntu bakoitzak sagardo-marka ezberdina eskainiko du.

Jarduera girotzen Tirriki-Tarraka trikitilari-taldea arituko da, Lasarte-Oriako kaleetan barrena ibiliz.

Establezimendu parte-hartzaileak eta bakoitzak zerbitzatuko duen sagardoa hauek dira:

• Yolanda taberna - Itxas-Buru sagardoa
• Txema taberna – Mina sagardoa
• Txartel kafetegia – Rufino sagardoa
• Zumaburu taberna – Bereziartua sagardoa
• Primeran taberna – Bereziartua sagardoa
• Buenetxea kafe-taberna – Alorrenea sagardoa
• Avenida taberna – Aburuza sagardoa
• Eguzki taberna – Rufino sagardoa
• Isla Plaza ardoteka – Urdaira sagardoa